जळगाव (प्रतिनिधी) : येथील लहुजी संघर्ष सेनेची कार्यकर्ता संवाद बैठक नुकतीच पार पडली. या यावेळेला नवीन कार्यकारिणी तयार करण्यात आली. तसेच, नियुक्तीपत्र देण्यात आले. बैठकीत विविध निर्णय घेण्यात आले.
राज्यातील मातंग समूहाची सर्व स्तरात प्रगती झाली पाहिजे, मातंग समाजाने लहुजी संघर्ष सेनेच्या सोबत एकजुटीने उभे राहून आपली संघटना बळकट केली पाहिजे. यासाठी कार्यरत राहिले पाहिजे, असे पदाधिकाऱ्यांनी सांगितले. आपल्यातील मतभेद विसरून संघटनेसाठी काम करीत राहा असे संस्थापक अध्यक्ष सुरेश बहिलम यांनी सांगितले. यावेळी राज्य उपाध्यक्ष अण्णासाहेब कांबळे, स्वप्नील सपकाळे, गुरुदास भालेराव, कैलास जाधव, अशोक पारधे यांनी मनोगत व्यक्त केले. खान्देश प्रमुख नरेंद्र खैरनार, मनोज नवगिरे, रविंद्र थोरात, संदीप चव्हाण, मुकेश कांबळे, पंकज तायडे, काशिनाथ काकडे, कैलास अवघडे, अजय निक्षे, विनोद दीक्षित, रामचंद्र साळुंखे आदी उपस्थित होते. सूत्रसंचालन जिल्हाध्यक्ष सुभाष पगारे यांनी केले. तर आभार युवा जिल्हाध्यक्ष रविंद्र खैरनार यांनी मानले.
