भडगाव ( प्रतिनिधी ) – शिंदी येथील तरुणाशी लग्न झालेली नवरी लग्नातील ५० हजारांचे दागिने घेवून फरार झाल्याची घटना उघडकीला आली या तरुणाच्या फिर्यादीवरून भडगाव पोलीस ठाण्यात नवरीसह अन्य ६ आरोपींवर गुन्हा दाखल करण्यात आला आहे.
शिंदी येथील २८ वर्षीय तरूण विवाहयोग्य होता. त्याला मुलगी मिळत नसल्याचे सोनाली सोनार, गोकूळ सोनार ( दोघे . रा. साकेगाव ता. भुसावळ) , आशा निकम ( रा. नाशिक) , अशोक खाडे ( रा. मालदा ता. शहादा जि.नंदुरबार ) आणि गुड्डीबाई शिंपी ( रा. गाळण ता. पाचोरा ) यांनी भेट घेवून तरूणाचा विश्वास संपादन करून आमच्या ओळखीची मुलगी असल्याचे व त्यासाठी दीड लाख रूपये खर्च करावे लागतील असे सांगितले होते . त्यानुसार तरूणाच्या कुटुंबियांनी लग्नासाठी होकार दिला आणि ३० ऑगस्टरोजी अक्षरा मनोज रंधे ( रा. नशिराबाद ता. जि.जळगाव) या तरूणीशी त्याचे लग्न लावले गेले
दरम्यान, तरूणासोबत नवविवाहिता राहिल्यानंतर भुसावळ येथे जावून येते असे सांगून सोबत दागिने घेवून भूसावळ येथून पसार झाली. आपली फसवणूक झाल्याचे लक्षात आल्यानंतर तरूणाने भडगाव पोलीस ठाण्यात धाव घेतली. नवरीसह सहा जणांवर वडगाव पोलीस ठाण्यात गुन्हा दाखल करण्यात आला आहे.