वनविभागाच्या अधिकाऱ्यांनी बिबट्याचा बंदोबस्त करण्याची मागणी
रावेर ( प्रतिनिधी ) – तालुक्यातील कुसुंबा बुद्रुक गावाजवळील शेती शिवारात केळीच्या बागेत बिबट्या काही दिवसांपासून पिल्लांसह गावाजवळील स्मशानभूमीच्या परिसरातील केळीच्या बागेत असल्याची गावकऱ्यांमधे जोरदार चर्चा सुरू आहे. वनविभागाने याबाबत शोधमोहीम घेऊन बिबट्याचा बंदोबस्त करावा अशी मागणी शेतकऱ्यांनी केली आहे.
कुसुंबा शेती शिवार हा केळी उत्पादन काढणारा प्रसिद्ध केळी परिसर म्हणून ओळखला जातो.या केळीची संपुर्ण भारतात मोठी मागणी असल्याने शेतकरी.मजूरांसह शेतांमध्ये शेती शिवारात मोठी वर्दळ असते. त्यातच सध्या स्थितीत बिबट्या त्याच्या पिल्लांसह गावकऱ्यांच्या आणि शेतकऱ्यांच्या नजरेस पडल्याने गावकरी आणि शेतकऱ्यांमधे भीतीचे वातावरण पसरले आहे .कारण मागील महिन्याच्या काळात यावल तालुक्यात बिबट्याने लहान मुलांसह अनेकांवर हल्ला केल्याच्या घटना घडल्या आहेत. त्यामुळे आता सध्या स्थितीत रावेर तालुक्यातील कुसुंबा बुद्रुक परिसरातील शेतकरी,मजुर,गावकरी,महिला, लहान मुलांमध्ये भीतीचे वातावरण पसरले आहे. त्यामुळे वनविभागाच्या अधिकाऱ्यांनी गांभीर्याने लक्ष देऊन बिबट्याचा पिल्लांसह बिबट्याचा शोध घेऊन बिबट्याला जेरबंद करावे अशी परिसरातील शेतकरी, मजुर आणि गावकऱ्यांकडुन बिबट्याचा बंदोबस्त करण्याची मागणी करण्यात आली आहे.
