अमळनेर तालुक्यातील घटना
अमळनेर (प्रतिनिधी) : तालुक्यातील जवखेडा येथे कुलरमधून विद्युतप्रवाह वाहिल्याने विजेचा धक्का लागून ४२ वर्षीय महिलेचा मृत्यू झाल्याची घटना दि. ९ रोजी संध्याकाळी उघडकीस आली आहे. याप्रकरणी अमळनेर पोलीस स्टेशनला अकस्मात मृत्यूची नोंद करण्यात आली आहे.
योगिता सुनील गोसावी (वय ४२, रा. जवखेडा ता. अमळनेर) असे मयत महिलेचे नाव आहे. जवखेडे येथील दिनेश गोसावी यांनी खबर दिली आहे. दि. ९ जून रोजी सायंकाळी ५ वाजेच्या सुमारास योगिता गोसावी हे कुलरजवळ असताना त्यात विद्युत प्रवाह शिरल्याने त्यांना विजेचा जोरदार धक्का बसला. त्यांच्या ओरडण्याचा आवाज आल्याने कुटुंबीय धावत आले. त्या खाली पडलेल्या दिसल्या.
त्यांना अमळनेर ग्रामीण रुग्णालयात दाखल केले असता डॉक्टरांनी तपासून मृत घोषित केले. यावेळी कुटुंबीयांनी एकच आक्रोश केला. याबाबत अमळनेर पोलीस स्टेशनला अकस्मात मृत्यूची नोंद करण्यात आली असून पुढील तपास हेकॉ संजय पाटील करीत आहेत.
