जळगाव शहरातील समता नगरातील घटना
जळगाव (प्रतिनिधी) – शहरातील समता नगर येथील धामणगाववाडा परिसरात हातात कोयता घेऊन दहशत माजवणाऱ्या तरुणाला रामानंदनगर पोलिसांनी अटक केली असून त्याच्याकडून लोखंडी कोयता हस्तगत करण्यात आला आहे. रामानंदनगर पोलीस ठाण्यात गुन्हा दाखल करण्यात आला आहे.
समतानगर परिसरात असलेल्या धामणगाववाडा या परिसरात संशयित आरोपी राहुल नवल काकडे (वय-२३, रा. समता नगर, जळगाव) हा हातात लोखंडी कोयता घेऊन धाक दाखवत, “मी या गल्लीचा दादा आहे, माझ्या नादी लागल तर या कोयताने मारून टाकेल” असे बोलून दहशत पसरवीत असल्याची माहिती रामानंदनगर पोलिसांना मिळाली होती. पोलीस निरीक्षक शिल्पा पाटील यांच्या मार्गदर्शनाखाली पोलीस पथकाने कारवाई करत संशयित आरोपी राहुल काकडे याला मंगळवारी ८ ऑगस्ट रोजी सायंकाळी अटक केली. त्याच्याकडून लोखंडी कोयता हस्तगत केला आहे.
याप्रकरणी पोलीस कॉन्स्टेबल रवींद्र चौधरी यांनी दिलेल्या फिर्यादीवरून रामानंदनगर पोलीस ठाण्यात गुन्हा दाखल करण्यात आला आहे. कारवाई पोलीस हेडकॉन्स्टेबल संजय सपकाळे, सुशील चौधरी, विजय खैरे, पोलीस नाईक, राजेश चव्हाण, विनोद सूर्यवंशी, रेवानंद साळुंखे, उमेश पवार, रवींद्र चौधरी, जुलालसिंग परदेशी यांनी केली आहे. या घटनेचा पुढील तपास पोलीस नाईक विजय खैरे करीत आहे.
