उत्तरप्रदेशात कानपुर येथे घटना, मुक्ताईनगर तालुक्यात शोककळा
मुक्ताईनगर (प्रतिनिधी) :- तालुक्यातील कोथळी येथील रहिवासी असलेल्या तरुणाने कानपूर येथे आत्महत्या केल्याची धक्कादायक घटना मंगळवारी दि. २६ रोजी घडली आहे. या घटनेमुळे त्याच्या कुटुंबावर शोककळा पसरली आहे.
दीपक शिरीष चौधरी (वय २५) असे मयत तरुणाचे नाव आहे. कोथळी येथे त्याचे परिवार राहतात. तर दीपक चौधरी हा सध्या दीपनगर येथे वास्तव्याला होता. नुकताच तो आयआयटी इंजिनिअरची परीक्षा उत्तीर्ण झाला होता. त्याला कानपूर येथील एका नामांकित कंपनीत नोकरी मिळाली होती. काही दिवसांपूर्वीच तो नोकरीवर रुजू झाला होता. मात्र, कानपूर येथील त्याच्या निवासस्थानी मंगळवारी त्याने गळफास घेऊन आत्महत्या केली. त्याच्या पार्थिवाचे कानपूरहून एम्बुलन्सने कोथळी येथे आणण्यात आले. बुधवारी २७ ऑगस्ट रोजी सकाळी त्याचे पार्थिव गावात पोहोचले. दीपकचे कुटुंबीय आणि मित्रपरिवार तसेच ग्रामस्थ मोठ्या संख्येने उपस्थित होते.आत्महत्येमागील कारण अद्याप समोर आलेले नाही.
