जळगाव (प्रतिनिधी) – जिल्हा कोवीड रूग्णालयाने पाठविलेल्या कोरोना अहवालात बुधवारी (१२ जानेवारीरोजी) दिवसभरात २८५ बाधित रूग्ण आढळून आले आहेत . आज शहरातील एका रुग्णाचा कोरोनामुळे मृत्यू झाल्याने आरोग्य यंत्रणा सतर्क झाली आहे . आज भुसावळात सर्वाधिक म्हणजे १०४ रुग्णांची नोंद झाली आहे .
आज १९ बाधित रूग्ण बरे होवून घरी परतले आहेत अशी माहिती जिल्हा शल्यचिकित्सक डॉ. एन.एस.चव्हाण यांनी प्रसिध्दीपत्रकान्वये कळविली आहे.
जळगाव शहर- ८१ , जळगाव ग्रामीण- १७ , भुसावळ – १०४, अमळनेर- ५, चोपडा- २२ , पाचोरा -०३, यावल- १, धरणगाव -०२ , जामनेर- ३, एरंडोल ० , रावेर- ०, पारोळा -०५, चाळीसगाव – २९, मुक्ताईनगर – १२ , बोदवड – ० , आणि इतर जिल्ह्यातील ०१ असे एकुण २८५ बाधित रूग्ण आढळून आले आहे. जिल्ह्यात आतापर्यंत १ लाख ४३ हजार ८९२ कोरोना बाधित रूग्ण आढळून आले आहे. त्यापैकी १ लाख ४० हजार २८२ रूग्ण बरे होवून घरी परतले आहे. जिल्ह्यात सध्या १०३२ रूग्ण विविध कोवीड रूग्णालयात उपचार घेत आहेत .
