पाचोरा (प्रतिनिधी) : जागतिक महिला दिनानिमित्त पाचोरा येथे मानसिंगका महाविद्यालयाच्या पटांगणावर उद्या दि. १८ रोजी रात्री साडेआठ वाजता समाज प्रबोधनकार हभप निवृत्ती महाराज देशमुख इंदोरीकर यांचा जाहीर कीर्तनाचा कार्यक्रम आयोजित करण्यात आले आहे.
याप्रसंगी पाचोरा भडगाव विधानसभा मतदारसंघातील विविध क्षेत्रात उत्कृष्ट कार्य करणाऱ्या कर्तबगार महिलांचा सन्मान हभप निवृत्ती महाराज देशमुख इंदुरीकर यांच्या हस्ते करण्यात येणार आहे. कीर्तन सोहळ्याला लक्ष्मी माता वारकरी शिक्षण संस्था, पाचोरा व हभप मृदुंगाचार्य सचिन महाराज, गायनाचार्य किरण महाराज शेटे करणार आहेत. तरी या कीर्तन सोहळ्याला पाचोरा भडगाव विधानसभा मतदारसंघातील पंचक्रोशीतील भाविकांनी मोठ्या संख्येने उपस्थित राहून या कीर्तन सोहळ्याचा लाभ घ्यावा असे आवाहन माजी आमदार तथा पाचोरा तालुका सहकारी शिक्षण संस्थेचे अध्यक्ष, जळगाव जिल्हा दूध संघाचे संचालक दिलीप ओंकार वाघ, पाचोरा तालुका सहकारी शिक्षण संस्थेचे चेअरमन संजय ओंकार वाघ, राष्ट्रवादी काँग्रेसच्या नगरसेविका सुचिता दिलीप वाघ, अध्यक्षा तनिष्का ग्रुप पाचोरा ज्योतीताई वाघ यांनी केले आहे.
