यावल तालुक्यातील हिंगोणा येथील घटना
यावल (प्रतिनिधी) – तालुक्यातील हिंगोणा येथे किरकोळ वादातून एका १९ वर्षीय तरुणाची हत्या झाल्याची धक्कादायक घटना घडली आहे. घटनेत ३ जण जखमी झाले आहे. या घटनेमुळे परिसरात एकच खळबळ उडाली आहे.
मृत तरुणाचे नाव प्रथमेश मुकेश महाले (वय १९) असे असून, किरकोळ कारणावरून झालेल्या वादाचे रूपांतर हाणामारीत झाले. त्यानंतर त्याच्यावर चाकूने हल्ला करण्यात आला. गंभीर जखमी झालेल्या प्रथमेशचा मृत्यू झाला. या घटनेत रीना मोहित गजरे (वय १९), मोहित राजेंद्र गजरे (वय ३०) आणि निखिल राजेंद्र गजरे (वय २६) हे तिघेही चाकूच्या वारात जखमी झाले असून त्यांच्यावर उपचार सुरू आहेत.
या प्रकरणात फिर्यादी श्रीमती रिना रोहित गजरे वय १९ यांच्या तक्रारीवरून संशयित आरोपी १) गौरव जिवन जाधव २) सुधीर रमेश तायडे ३) मनोज सुधीर तायडे ४) सचिन सुधीर तायडे ५) आरती सचिन तायडे ६) मंगलाबाई सुधीर तायडे रा. हिगोणा ता .यावल तर ७) निखिल संजय तायडे रा . मंगरुळ ता. यावल यांच्यावर गुन्हे दाखल करण्यात आले आहे.
या प्रकरणी फैजपूर पोलीस ठाण्यात खुनाचा गुन्हा दाखल करण्यात आला आहे. घटनेनंतर आरोपींना अटक करण्यात आली आहे. या प्रकरणी पोलिसांकडून पुढील तपास सुरू आहे. घटनेचे नेमके कारण अद्याप स्पष्ट झाले नाही. मयत यांच्या वर यावल ग्रामीण रुग्णालयात शवविच्छेदन करण्यात आले आहे.
