वरणगाव (प्रतिनिधी) – जुना वाद उकरून चौघांनी आंबेडकर नगरातील एका २८ वर्षांच्या तरुणाचा निर्घृण खून केल्याची घटना रात्री साडेदहा वाजेच्या सुमारास डॉ. बाबासाहेब आबेडकर पुतळ्या जवळील महालक्ष्मी सॉमीलच्या समोर घडली असून यामुळे शहरात एकच खळबळ उडाली आहे. सचिन युवराज मगरे वय २८ रा. आंबेडकर नगर असे मयत तरुणाचे नाव आहे .
याबाबत सूत्रांनी दिलेली माहिती अशी कि, शहरातील आंबेडकर नगर मध्ये रात्री १०.३० वाजेच्या सुमारास जुन्या भांडणातून सचिन मगरे याला संशयीत रोहीत किशोर तायडे, अजय रविन्द्र तायडे राहुल गजानन कदम, अक्षय संजय भैसे यांनी धारदार शस्त्रांनी वार करून निर्घृण खून केला. याप्रकरणी पोलिसांनी चौघांना अटक केली असून पुढील तपास सुरु आहे.
