बोदवड तालुक्यातील जलचक्र येथील घटना
बोदवड (प्रतिनिधी) :- विधानसभा निवडणुकीच्या तोंडावर बोदवडमध्ये राजकीय वातावरण तापले आहे. बोदवड पोलीस ठाण्यात रोहिणी खडसे यांनी ठिय्या आंदोलन करत रात्री २ वाजता पोलीस ठाण्यातच पंगत बसवली. याठिकाणी रात्री कार्यकर्त्यांसह खिचडी खाल्ली. पोलीस कारवाई करत नसल्याने असे अनोखे आंदोलन करण्यात आल्याने त्याची आता राज्यभर चर्चा रंगली आहे.
एकनाथ खडसे यांच्या कन्या रोहिणी खडसे यांना राष्ट्रवादी शरद पवार गटाने मुक्ताईनगर विधानसभा मतदारसंघात त्यांचा प्रचार जोरात सुरू आहे. याच दरम्यान प्रचार रॅलीत गोंधळ होऊन कार्यकर्त्यांना मारहाण केल्याचा आरोप रोहिणी खडसे यांनी केला आहे. पोलीस कारवाई करत नसल्याने त्यांनी रात्री २ वाजेपर्यंत बोदवड पोलीस ठाण्यात ठिय्या आंदोलन केले.
जलचक्र तांडा येथे हा प्रकार घडला. मारहाण झालेले कार्यकर्ते बोदवड पोलीस ठाण्यात तक्रार नोंदवायला आले आहेत. मी माझ्या पदाधिकाऱ्यांच्या पाठीशी खंबीरपणे उभी आहे. आमची इतकीच अपेक्षा आहे की ज्यांना मारहाण झाली, त्यांच्यावर कारवाई झाली पाहिजे. त्यांच्यावर गुन्हा नोंदवण्यात आला पाहिजे, असे रोहिणी खडसे म्हणाल्या.
