जळगाव ( प्रतिनिधी ) – जिल्हा बँकेच्या संचालक मंडळाच्या निवडणुकीत आज राष्ट्रवादी काँग्रेसच्या उत्तर महाराष्ट्र विभागीय महिला आघाडीच्या उपाध्यक्षा आणि शेतकरी विकास पॅनलच्या उमेदवार कल्पना पाटील यांनी आज रोहिणी खडसे – खेवलकर यांना पाठिंबा जाहीर केला आहे.
शेतकरी विकास पॅनलमधील महिला राखीव प्रवर्गातील उमेदवार कल्पना पाटील यांनी आज दुपारी आपण पाठिंबा देत असल्याचे पत्र रोहिणी खडसे – खेवलकर यांना दिले.
यावेळी माजी मंत्री एकनाथराव खडसे, भुसावळचे नगराध्यक्ष रमण भोळे, राष्ट्रवादी काँग्रेस माजी महानगराध्यक्ष अभिषेक पाटील, तालुका अध्यक्ष यु. डी. पाटील, प्रा .डॉ. सुनिल नेवे, प्रमोद नेमाडे , पुरुषोत्तम नारखेडे, राजु माळी, विलास धायडे, किरण कोलते, बोधराज चौधरी, बापु महाजन, शफी पेहलवान, एजाज खान, उसामा रउफ खान, अखिल चौधरी, सुमित ब-हाटे व पृथ्वीराज पाटील उपस्थित होते.
कल्पना पाटील राष्ट्रवादी काँग्रेसच्याच पदाधिकारी असताना त्यांनी सहकार पॅनलच्या विरोधात भूमिका घेऊन शेतकरी विकास पॅनलमध्ये सहभागी होण्याचा निर्णय घेतल्याने आश्चर्य व्यक्त केले जात होते आता त्यांनी सहकार पॅनलला पाठिंबा दिल्याने या पक्षातील तणाव दूर झाल्याचे मानले जात आहे.
