जळगाव (प्रतिनिधी) – कोरोना महामारीच्या तिस-या लाटेला सुरुवात झाली असून आज २० जानेवारी रोजी जळगाव जिल्हा कारागृहामध्ये पुन्हा ११ कैदी कोरोना पॉझिटिव्ह आल्याची माहिती समोर आली आहे. आधीच कारागृहात असलेले ९ आणि प्राजक्ता बारी मृत्यू प्रकरणातील तिचे सासरे आणि पती असे हे ११ रुग्ण आहेत
जळगाव शासकीय रुग्णालयांमध्ये प्राथमिक तपासणी झाल्यानंतर त्यांना मोहाडी येथील कोविड रुग्णालयात पाठविण्यात आल्याची माहिती मिळाली आहे.
जिल्ह्यात सर्वत्र कोरोनाने आता डोके वर काढले आहे. जळगाव, भुसावळ, चोपडा, चाळीसगाव या ठिकाणी संसर्ग वाढत आहे. जिल्हा कारागृहामध्ये देखील काही कैद्यांना कोरोना आजाराची लक्षणे जाणवत होती. त्यामुळे जिल्हा कारागृह प्रशासनाने त्यांचे नमुने देऊन तपासणी करून घेतली होती.
आधी १३ जणांचा अहवाल सकारात्मक आला होता आता त्यात ११ ची वाढ झाली वैद्यकीय अधिकाऱ्यांनी सर्व कैद्यांना मोहाडी येथील कोविड रूग्णालयात पुढील उपचारासाठी संदर्भित केले. आता जिल्हा कारागृहात देखील इतर कैद्यांच्या तपासणीचा प्रश्न उभा राहिला आहे.
आता गुरुवारी आणखी ९ कैदी कोरोनाबाधित आल्याने कारागृह प्रशासनाची चिंता वाढली आहे. यासह एमआयडीसी पोलीस ठाण्याचे दोन संशयित आरोपी देखील कोरोना पॉझिटिव आले आहेत. आता जळगाव जिल्ह्यात ३ हजार ३४ ॲक्टिव रुग्ण आहेत.
वैद्यकीय अधिकारी डॉ.यासीर खान यांनी कागदपत्रांची तपासणी करीत सर्व ९ कैद्यांना मोहाडी येथील कोविड रूग्णालयात उपचारासाठी संदर्भित केले. त्यामुळे आता जिल्हा कारागृहात कोरोना महामारीने २२ कैद्यांना बाधित केल्यामुळे इतर कैद्यांच्या आरोग्याचा प्रश्न उभा राहिला आहे.
