पारोळा (प्रतिनिधी) – येथील राष्ट्रीय महामार्गालगत शासकिय जमिनीवर नपाच्या माध्यमातुन उभे राहु पाहणार्या भव्यदिव्य क्रिडा संकुलनाच्या कामास विरोधकांनी राजकारण आणीत शहराच्या विकासाला खीळ घालण्याचा आरोप लोकनियुक्त नगराध्यक्ष करण पवार यांनी पत्रकार परिषदेत केला.
याबाबत बोलतांना त्यांनी स्पष्ट केले कि,पारोळा शहराच्या इतिहासात नमुद होईल असे भव्यदिव्य असे क्रिडा संकुलनाचे काम शहरातील तलाठी काँलनीला लागुन गट क्र २४४/२ सि.स. नंबर ३४३ मध्ये करण्याबाबतचा ठराव सन २०१८ मध्ये सर्वानुमते पारीत केला होता.सदर जागेत भव्य असे स्टेडीयम व नपाचे उत्पन्न वाढीसाठी व्यापारी संकुल उभारण्याचे नियोजन करण्यात आले.
सदर कामाचे अंदाजपत्रीय किंमत १०.५ कोटी असुन वर्क आँर्डर मिळाल्यानंतर १८ महीन्याचा आत काम पुर्ण करणेबाबत सदर निविदा प्रक्रियेत नमुद केले होते.त्यानुसार ता,१२ सप्टेंबर २०१९ रोजी निविदा प्रक्रिया करण्यात आली होती.मागील चौदा महीन्यात सदर संपूर्ण जागेचे सपाटीकरण करुन संरक्षक भिंत बांधुन तसेच व्यापारी संकुलाचे काम ८० टक्के करुन क्रिडा संकुलाच्या कामास गतीमानता आणण्यासाठी प्रयत्न सुरु असतांना माजी नगराध्यक्ष गोविंद शिरोळे यांनी ता,२९ सप्टेंबर २०२० रोजी जिल्हाधिकारी यांचेकडे सदर कामाबाबत तक्रारी अर्ज करुन शहराच्या विकास कामास खीळ घालण्याचा प्रयत्न केला.त्या अनुशंगाने काही तांत्रिक मुद्यांवर बोट ठेवुन सदर काम बंद पाडण्यास पालिकेस भाग पाडले.
शहराच्या विकासाच्या दृष्टीने सदर कामाची भव्यता पाहुन विरोधकांना ही पोटदुखी ठरत असल्याने ते कागदी घोडे नाचवुन त्रास देण्याचा प्रयत्न सतत करत आले आहे.
क्रिडा संकुलाचे वैशिष्ट्ये
१०.५ कोटी रुपये खर्च असलेल्या क्रिडा संकुलाला जिल्हयातील अनेक तालुक्यांच्या जिल्हास्तरिय स्पर्धा घेण्यासाठी गुणवत्ता पुर्वक कामे केली जाणार आहे.यात क्रिकेट ग्राऊंड,जाँगींग ट्रँक,धावणे,लांब उडी,खो-खो,कबड्डी ग्राऊंड,बाँस्केट बाँल,व्हाँलीबाँल,लाँगटेनिस तर इनडोअर हाँलमध्ये कँरमबोर्ड,टेबलटेनिस,बँडमिंटन,बुध्दीबळ,मँटकुस्ती,योगाहाँल यासह नागरिकांच्या मागणीनुसार भव्य असा स्विमिंगपुलाचे भव्य कामास लवकरच सुरुवात होत असतांना विरोधकांच्या षडयंत्रामुळे गतीमान सुरु असलेल्या कामास खीळ बसला असुन याबाबत विकास कामात राजकारण करणार्यांना जनतेने ओळखावे असे त्यांनी नमुद करुन सदर काम लवकरच सुरु होईल असा आशावाद व्यक्त केला.
