जामनेर (प्रतिनिधी) : विधानसभा सार्वत्रिक निवडणूक २०२४ अनुषंगाने आज १९ रोजी जामनेर मतदारसंघात जिल्हा निवडणूक अधिकारी तथा जिल्हाधिकारी, जळगाव आयुष प्रसाद यांनी भेट देऊन पथनाट्य कार्यक्रम पाहणी, सर्व नोडल अधिकारी, सेक्टर अधिकारी, पोलीस सेक्टर अधिकारी यांचा आढावा बैठक घेतली.
तसेच, निवडणूक काळात करावयाचे कामकाज अनुषंगाने सविस्तर मार्गदर्शन केले. तसेच निवडणूक निर्णय अधिकारी यांचे कार्यालयाची पाहणी करून नामनिर्देशन प्रक्रियेबाबत नियुक्त कर्मचारी यांची रंगीत तालीम घेण्यात आली. कार्यालयातील एक खिडकी कक्ष, साहित्य कक्ष, नियंत्रण कक्ष ,प्रसारमाध्यम कक्षास भेट देऊन पाहणी केली. उपस्थित प्रसारमाध्यम प्रतिनिधी यांचेशी संवाद साधण्यात आला. मतदानयंत्र सुरक्षा कक्ष ,मतमोजणी केंद्र ठिकाणी भेट देऊन पाहणी करून पोलीस बंदोबस्त अनुषंगाने करावयाचे कामकाज बाबत संबंधित विभागप्रमुख यांना निर्देश दिले आहेत.
