मंत्री महाजन यांनी ट्रॅक्टर चालवून मिरवणुकीत खेळली लेझीम
जामनेर (प्रतिनिधी) : येथे भारतरत्न डॉ. भीमराव आंबेडकर यांच्या १३३ वी जयंतीनिमित्त् शहरातून भव्य मिरवणूक काढण्यात आली. मिरवणुकीमध्ये मंत्री गिरीश महाजन यांनी स्वतः ट्रॅक्टर चालवून तसेच लेझीमच्या तालावर ठेका धरून उत्साहाने सहभाग घेतला.
जामनेर शहरमध्ये भीमनगर येथून महामानव डॉ. बाबासाहेब आंबेडकर यांच्या प्रतिमेचे पूजन मंत्री गिरीश महाजन यांनी केले. यानंतर मिरवणुकीला सुरुवात करण्यात आली. या वेळी मंत्री गिरीश महाजन यांनी महामानवाच्या रथाचे सारथी बनले व लेझीमच्या तालावर ठेका धरला.
या वेळी मंत्री गिरीश महाजन, जितेंद्र पाटील, तालुका अध्यक्ष चंद्रकांत बाविस्कर, जे. के. चव्हाण, महेंद्र बाविस्कर, शरद पाटील, डॉ. प्रशांत भोंडे, अतिश झाल्टे, बाबुराव हिवराळे, सुभाष सुरवाडे, कैलास नरवाडे, निलेश चव्हाण, कैलास पालवे, रवींद्र झाल्टे यासह अनेक मान्यवर उपस्थित होते.
