गतिरोधकांसाठी कंजरभाट समाज युवा फाउंडेशनतर्फे आयुक्तांना निवेदन
जळगाव (प्रतिनिधी) : येथील कंजरवाडा परिसरात रविवारी दि. १६ रोजी रात्री १० वाजेच्या सुमारास एका बालकाला अज्ञात दुचाकीस्वाराने धडक देऊन फरार झाला आहे. यामुळे संतप्त नागरिकांनी दुचाकीस्वाराचा शोध घेतला, मात्र तो वेगात निघून गेला होता. घटनेत बालक गंभीर जखमी झाला असून त्याच्यावर खाजगी रुग्णालयात उपचार सुरु आहेत. तर दुसरीकडे कंजरभाट समाज युवा फाउंडेशनतर्फे पांडे डेअरी चौकते सिंधी कॉलनीदरम्यान गतिरोधके बसवावी म्हणून महानगरपालिका आयुक्त ज्ञानेश्वर ढेरे यांना निवेदन देण्यात आले.
शहरातील पांडे चौक ते सिंधी कॉलनीदरम्यान वाहने सतत जलदगतीने जात असतात. या मार्गावर कंजरवाडा हे परिसर असून या भागात रस्त्यावर नेहमी अपघात होत असतात. सदर परिसर गजबजलेला असतो. (केसीएन)रविवारी रात्री १० वाजता कंजरवाडा येथील सार्थक कपिल बागडे या ७ वर्षीय बालकाला अज्ञात दुचाकीस्वाराने पायघन हॉस्पिटल समोर जबर धडक देऊन मुलाला फरफटत नेत गंभीर जखमी केले. ग्रामस्थांनी मुलाला खाजगी हॉस्पिटलमध्ये दाखल केले.
याबाबत सोमवारी दि. १७ मार्च रोजी, कंजरवाडा परिसरात लवकरात लवकर ४ ते ५ स्पीडब्रेकर टाकण्यात यावे, या संदर्भात जळगांव मनपा आयुक्त ज्ञानेश्वर ढेरे यांची भेट घेण्यात आली. आयुक्त ढेरे यांनी तात्काळ शहर अभियंता मनीष अमृतकर यांना कार्यवाहीचे आदेश दिले. कंजरभाट समाज युवा फाउंडेशनतर्फे शहर वाहतुक शाखा येथे देखील निवेदन दिले. या प्रसंगी कंजरभाट समाज युवा फाउंडेशनचे मुख्य सल्लागार मोहन गारूंगे, सचिव राहुल नेतलेकर, (केसीएन)खजिनदार योगेश बागडे, कार्याध्यक्ष शशिकांत बागडे, उमेश माछरेकर,संदीप गारूंगे, वीर दहियेकर, संजय मोती, निलेश बागडे, गणेश बागडे, सुमित माछरेकर, जितू नेतले, प्रितेश नेतले, प्रकाश तमायचे आदी समाजबांधव उपस्थित होते.
