रामानंद नगर पोलीस स्टेशनला होते कार्यरत
जळगाव (प्रतिनिधी) : शहरातील रामानंद नगर पोलीस स्टेशन येथे कार्यरत कॉन्स्टेबल अशफाक मेहमूद शेख (वय ३५) यांचा डेंग्यूसह विविध आजार झाल्याने छत्रपती संभाजीनगर येथे उपचार सुरु असताना आज सोमवारी दि.१६ सप्टेंबर रोजी पहाटे ३ वाजता मृत्यू झाला आहे. त्यांच्या मृत्यूमुळे जिल्हा पोलीस दलात शोककळा पसरली आहे.
अशफाक मेहमूद शेख (वय ३५, रा. पोलीस लाईन, एसपी ऑफिस परिसर, जळगाव) हे गेल्या एक वर्षांपासून रामानंद नगर पोलीस स्टेशनला कार्यरत होते. यापूर्वीदेखील त्यांनी विविध पोलीस स्टेशनला सेवा बजावली आहे. (केएसएन)त्यांच्या पश्चात आई, पत्नी, १ मुलगा, १ मुलगी असा परिवार आहे. दि. १२ सप्टेंबर रोजी त्यांची प्रकृती खालावल्याने खाजगी रुग्णालयात दाखल केले होते. तेथून पुढील उपचारासाठी छत्रपती संभाजीनगर येथे हलविण्यात आले होते. गेल्या तीन दिवसांपासून उपचार सुरु असताना सोमवारी पहाटे ३ वाजता त्यांची प्राणज्योत मालवली. अश्फाक शेख यांच्या मृत्यूमुळे जिल्हा पोलीस दलात शोककळा पसरली असून हळहळ व्यक्त करण्यात येत आहे.
