जळगाव;- येथील पिंप्राळा उड्डाणपुलाजवळ एका व्यक्तीचा रेल्वेचा धक्का लागून मृत्यू झाल्याची घटना आज सकाळी उदघडकीस आली असून याप्रकरणी अकस्मात मृत्यूची नोंद करण्यात आली आहे
याबाबत सूत्रांनी दिलेली माहिती अशी कि , शहरातील पिंप्राळा उड्डानपुलाच्या खाली असलेल्या रेल्वे रूळावर एका ५० वर्षीय मयत स्थितीत आज सकाळी आढळून आला. भरधाव रेल्वेचा पाठीमागून जोराचा धक्का लागल्याने पाठीच्या पुर्ण बरगड्या तुटून पडल्या होत्या. त्यातच त्यांचा जागीच मृत्यू झाला आहे. अद्याप त्या व्यक्तीची ओळख पटलेली नाही. लोहमार्ग पोलीसांनी घटनास्थळी धाव घेवून मृतदेहाचा पंचनामा केला. रूग्णवाहिकेच्या मदतीने मृतदेह जिल्हा वैद्यकिय महाविद्यालयात आणण्यात आला. याप्रकरणी लोहमार्ग पोलीस ठाण्यात अकस्मात मृत्यूची नोंद करण्यात आली आहे. प्राथमिक तपास लोहमार्ग पोलीस ठाण्याचे पोलीस नाईक समाधान कंखरे आणि पो.ना. स्वप्निल महाले करीत आहे.
