जळगाव शहरातील तांबापुरा भागातील घटना
जळगाव (प्रतिनिधी) : शहरातील तांबापुरा भागात पंचशील नगर येथील ३५ वर्षीय युवकाने गळफास घेऊन आत्महत्या केली. ही घटना १३ सप्टेंबर पहाटे २ ते ३ दरम्यान उघडकीस आली. एमआयडीसी पोलीस स्टेशनला अकस्मात मृत्यूची नोंद करण्यात आली आहे.
इरफान शेख सुलतान (वय ३०, रा. तांबापुरा, पंचशील नगर जळगाव) असे मृतक युवकाचे नाव आहे. मयताच्या पश्चात पत्नी, तीन मुलगे,आई, वडील, तीन भाऊ असा परिवार आहे. मजुरी काम करून तो परिवाराचा उदरनिर्वाह करीत होता. (केसीएन)गुरुवारी रात्री तो परिवारासोबत जेवण करून झोपला. त्यानंतर मध्यरात्री दोन ते तीन वाजता त्याने छताला गळफास लावून घेत आत्महत्या केली. कुटुंबीयांना लक्षात येताच त्यांनी शेजारच्या मदतीने त्याला शासकीय वैद्यकीय महाविद्यालय व रुग्णालयात दाखल केले.
त्या ठिकाणी वैद्यकीय अधिकाऱ्यांनी तपासून त्याला मयत घोषित केले. यावेळी कुटुंबीयांनी एकच आक्रोश केला. या प्रकरणी एमआयडीसी पोलीस ठाण्यात अकस्मात मृत्यूंची नोंद करण्यात आली आहे. नातेवाईकांनी मित्रांनी वैद्यकीय महाविद्यालयात गर्दी केली होती.
