रविवारी पदग्रहण सोहळा उत्साहात
जळगाव (प्रतिनिधी) :- येथील इनरव्हील क्लब ऑफ जळगाव ईस्टतर्फे रविवारी पदग्रहण सोहळा उत्साहात पार पडला. गणपती नगरातील रोटरी हॉल येथे झालेल्या या सोहळ्यात अध्यक्षपदाचा पदभार सिमरन पाटील यांनी स्वीकारतील तर सचिव पदाची सूत्रे रितू शर्मा यांच्याकडे सोपविण्यात आली.
या सोहळ्याला प्रमुख पाहुण्या म्हणून डिस्ट्रीक्ट चेअरमन रमा गर्ग, इंटरनॅशनल इनरव्हील ट्रेझरल रश्मी शर्मा, डिस्ट्रीक्ट प्रोजेक्ट कमिटी चेअर पीडीसी संगीता घोडगावकर यांची प्रमुख उपस्थिती होती. क्लबच्या वार्षिक सभेदरम्यान नवीन पदधारक आणि कार्यकारी समितीच्या अधिकाऱ्यांची निवड करण्यात आली होती. कार्यक्रमात ट्रेझरलपदी नेहल कोठारी, आयएसओ रिटा भल्ला, सीसी सुलभा लढ्ढा यांसह कार्यकारिणी सदस्यांची नियुक्ती करण्यात आली. नवीन वर्षभराच्या कार्यकाळासाठी या सदस्यांनी पदभार स्वीकारला.
कार्यक्रमात डिस्ट्रीक्ट चेअरमन रमा गर्ग यांनी डिस्ट्रीक्ट गोलनुसार क्लबने वर्षभर उपक्रम राबवावे असे आवाहन सदस्यांना केले तर इंटरनॅशनल इनरव्हील ट्रेझरल रश्मी शर्मा यांनी क्लबच्या वाटचालीबद्दल व घेण्यात आलेल्या उपक्रमांबद्दल सदस्यांचे कौतुक केले. पीडीसी संगीता घोडगावकर यांनी क्लबच्या भविष्यातील उपक्रमांबाबत माहिती दिली. कार्यक्रमात क्लबच्या उपक्रम आणि योजनांबाबत चर्चा झाली व पुढील रूपरेषा ठरविण्यात आल्या. कार्यक्रमाचे सूत्रसंचालन व आभार भाग्यश्री शर्मा यांनी मानले.
