जळगाव (प्रतिनिधी) : तालुक्यातील शिरसोली येथे गुरुवारी दि. २८ मार्च रोजी एका मिरवणुकीवर दगडफेक होऊन होमगार्डसह काही तरुण जखमी झाले होते. स्वतः जखमी होऊन देखील शासकीय कर्तव्य पार पाडले म्हणून पोलीस अधीक्षक डॉ. महेशवर रेड्डी यांनी होमगार्ड पंकज लक्ष्मण सापकर यांना पाच हजार रुपये रिवॉर्ड देऊन सन्मान केला.
शिरसोली प्रबो गावात शिवजयंतीनिमित्त निघालेल्या मिरवणुकीवर वराड गल्लीत दगडफेक झाली होती. यावेळी कर्तव्यापासून न हलता परिस्थिती नियंत्रणात आणण्यासाठी आपले कर्तव्य व्यवस्थित पार पाडले. याकरिता होमगार्ड पंकज सापकर रा. रामेश्वर कॉलनी, जळगाव यांचा पोलीस अधीक्षक डॉ. रेड्डी यांनी सन्मान केला.
तसेच माहिती मिळताच एमआयडीसी पोलीस स्टेशनच्या कर्मचाऱ्यांनी तात्काळ घटनास्थळी येऊन परिस्थिती नियंत्रणात आणली होती. सदरहू घटनेतील ३२ संशयित आरोपींना न्यायमूर्ती कोलते यांच्या न्यायालयात हजर करण्यात आले असता त्यांना १ एप्रिल पर्यंत पोलीस कोठडीत ठेवण्याचे आदेश देण्यात आले आहेत. शासनातर्फे ॲड.स्वाती निकम यांनी काम पाहिले.
