विशाखापट्टणम ( वृत्तसंस्था ) – तामिळनाडूतील कुन्नूर येथे लष्कराचे हेलिकॉप्टर कोसळले. या हेलिकॉप्टरमध्ये चीफ ऑफ डिफेन्स स्टाफ बिपिन रावत व त्यांचे कुटुंबीयही हेलिकॉप्टरमध्ये होते. हेलिकॉप्टरमधील प्रवाशांना वाचवण्याचे काम सुरू आहे. १४ जण प्रवास करत होते, त्यापैकी ३ जणांना वाचवण्यात यश आले आहे. बिपिन रावत एका व्याख्यानमालेत सहभागी होणार होते.
तामिळनाडूत कोईम्बतूर आणि सुलूरदरम्यान कुन्नूर येथे लष्कराचं हेलिकॉप्टर कोसळून दुर्घटना झाली. लष्कराच्या वरिष्ठ अधिकाऱ्यांसह संरक्षण दलाचे प्रमुख जनरल बिपीन रावत आणि त्यांचे कुटुंबीय या हेलिकॉप्टरमधून प्रवास करत होते. हेलिकॉप्टर दुर्घटनाग्रस्त झाल्यानंतर त्याला आग लागली. घटनास्थळी स्थानिकदेखील मदत करत आहेत. मात्र अपघात झालेलं ठिकाण डोंगराळ भागामध्ये असल्याने तिथे पोहचण्यास अडचणी येत आहेत.
स्थानिक लष्करी अधिकारी घटनास्थळी पोहोचले आहेत. स्थानिकांनी ८० टक्के भाजलेले दोन मृतदेह स्थानिक रुग्णालयात नेले आहेत. अपघाताच्या ठिकाणी उतारावर काही मृतदेह दिसत आहेत. मृतदेह बाहेर काढण्यासाठी आणि ओळख तपासण्याचे प्रयत्न सुरू आहे
या हेलिकॉप्टरमधून १४ जण प्रवास होते. बिपीन रावत यांच्यासोबत त्यांच्या पत्नीदेखील हेलिकॉप्टरमध्ये होत्या असं सांगितलं जात आहे. चार जणांची प्रकृती गंभीर असल्याची माहिती आहे. त्यांना रुग्णालयात दाखल करण्यात आलं आहे.
