बेजबाबदार वनाधिकाऱ्यांवर कारवाईची मागणी -मनसे
यावल (प्रतिनिधी) ;- तालुक्यातील भुसावळ यावल रस्त्यावर अज्ञात वाहनाच्या धडकेत हरीण जखमी झाल्याची घटना आज सकाळी १० वाजता वाघळूद फाट्याजवळील नाल्याच्या कडेला घडली. मात्र जखमी हरिणाला उपचारासाठी वनविभागात आणले असता त्या हरिणावर वेळीच उपचार न झाल्याने ते दगावले. दरम्यान हरीण जखमी अवस्थेत आढळल्याने मनसेचे जिल्हाध्यक्ष चेतन अढळकर यांनी वन विभागाचे दुर्लक्ष झाल्याचा आरोप केला. वन अधिकारी आणि कर्मचाऱ्यांवर कारवाई करावी अशी मागणी करण्यात आली.
अज्ञात वाहनांच्या धडकेत आज ६ जून रोजी सकाळी १० वाजेच्या सुमारास अज्ञात वाहनाने यावल येथील मनसेचे कार्यकर्ते विक्की बाविस्कर यांनी यावल येथील मिनिडोर चालक प्रशांत बारी यांच्यासह भुसावळहुन मिनिडोअर मध्ये येत असतांना त्यांनी घटना स्थळावरून जखमी हरिणास उचलुन उपचारासाठी यावल येथील वनविभागाच्या कार्यालयात आणले . परंतु वन अधिकारी विशाल कुठे यांनी दुर्लक्ष केले असल्याचा आरोप मनसेच्या पदाधिकाऱ्यांनी केला. दरम्यान पाच वर्षीय हरिणावर दिड तासापर्यंत वनविभागाकडुन कुठलेही प्रयत्न झाले नसल्याने अखेर त्या हरणाचा तडफडुन मृत्यु झाल्याची धक्कादायक घटना घडली. महाराष्ट्र नवनिर्माण सेनेचे जिल्हा अध्यक्ष चेतन अढळकर यांनी हरिणाच्या मृत्यूस जबाबदार व दुर्लक्ष करणाऱ्यांवर तात्काळ कार्यवाही करावी अन्यथा आपण महाराष्ट्र नवनिर्माण सेनेच्यावतीने तिव्र आंदोलन करणार असल्याचा इशारा दिला.यावेळी तालुकाध्यक्ष आकाश चोपडे, शहराध्यक्ष किशोर नन्नवरे , विक्की बाविस्कर आदी कार्यकर्ते उपस्थित होते.
