पारोळा येथील घटना
जळगाव (प्रतिनिधी) :- जळगाव जिल्ह्यातून एक वर्षासाठी हद्दपार करण्यात आलेल्या संशयित आरोपीला पारोळ्यात आला असताना एलसीबीच्या पथकाने त्याला अटक केली आहे. त्याच्यावर पारोळा पोलीस स्टेशनला गुन्हा दाखल करण्यात आला आहे.
विविध गंभीर गुन्हे दाखल असलेला संशयित आरोपी विजय उर्फ पलटी प्रताप चौधरी (रा चौधरी गल्ली, पारोळा) याला उपविभागीय दंडाधिकारी, एरंडोल भाग यांच्या आदेशान्वये ०१ वर्षाकरीता जळगाव जिल्ह्यातुन हद्दपार करण्यात आले होते.
सदर हद्दपार संशयित विजय उर्फ पलटी प्रताप चौधरी हा पारोळा शहरात लपून छपून फिरत असले बाबत किसन नजनपाटील, वरिष्ठ पोलीस निरीक्षक, स्थानिक गुन्हे शाखा यांना गुप्त बातमी मिळाली. पीएसाआय गणेश वाघमारे, पोह नंदलाल पाटील, पोह प्रमोद लांडवंजारी, पोह किरण धनगर, पोना भगवान पाटील, पोना राहुल बैसाणे, चापोका मोतिलाल चौधरी यांनी पारोळा शहरात गोपनिय माहिती काढुन संशयित विजय उर्फ पलटी प्रताप चौधरी, रा चौधरी गल्ली, पारोळा हा धरणगाव चौफुली येथे येताच दबा धरुन बसलेल्या पथकाने शिताफीने ताब्यात घेतले.
पुढील कायदेशिर कारवाई करुन पारोळा पोलीस स्टेशन येथे गुन्हा दाखल करुन सदर संशयित ईसमास पारोळा पोलीस स्टेशनच्या ताब्यात देण्यात आले आहे.
