एलसीबी, स्थानिक पोलीस, अन्न-औषध प्रशासनाची कारवाई
मुक्ताईनगर (प्रतिनिधी) : मुक्ताईनगर तालुक्यात एलसीबी, मुक्ताईनगर पोलीस आणि अन्न व औषध प्रशासनाच्या धडक कारवाईत ७७ लाख रूपयांच्या गुटख्यासह एकूण एक कोटी दोन लाख रूपयांचा ऐवज जप्त करण्यात आला आहे.
आशिष राजकुमार जयस्वाल (रा. ग्राम भमोरी, वार्ड नं. १४ देवास, मध्यप्रदेश) आणि आशिफ खान बुल्ला खान (रा. शिवशक्ती नगर, दत्तवाडी, नागपुर) या दोघांच्या विरोधात गुन्हा दाखल करण्यात आला आहे. यात, गुटखा वाहतुक करणा-या वाहनासह एकुण १ कोटी २ लाख ३३ हजार ४६० रुपये किमतीचा मुद्देमाल जप्त करण्यात आला आहे. सदर कारवाई ही, एलसीबी, स्थानिक मुक्ताईनगर पोलीस आणि अन्न व औषध प्रशासनाने केली. यात एलसीबीचे पोलीस निरीक्षक राहुल गायकवाड यांच्या पथकातील पोलिस उप निरीक्षक सोपान गोरे, पोहेकॉ सलीम तडवी, पोकॉ छगन तायडे, रतन गिते, मयुर निकम, भरत पाटील तसेच मुक्ताईनगर पोलिस स्टेशनचे पोलिस निरीक्षक आशिष अडसुळ, सहायक पोलिस निरीक्षक जयेश पाटील, पोकॉ रवी धनगर, संदीप धनगर, चेतन महाजन व अन्न औषध प्रशासनाचे अधिकारी किशोर बाविस्कर आदींनी या कारवाईत सहभाग घेतला.
