पहिल्या टप्प्यात २१० तर उर्वरित २४० जणांच्या दुसऱ्या टप्प्यात पनवेलला होणार शस्त्रक्रिया
जळगाव (प्रतिनिधी) :- जिल्ह्याचे पालकमंत्री गुलाबराव पाटील यांच्या प्रेरणेतून व माजी जि. प. सदस्य प्रतापराव पाटील, विक्रम पाटील यांच्या प्रयत्नातून आज जीपीएस मित्र परिवारतर्फे भव्य नेत्र तपासणी व मोफत मोतिबिंदू ऑपरेशन शिबीर आयोजित करण्यात आले होते. आज या शिबिराला प्रचंड असा अभूतपूर्व प्रतिसाद मिळाला.
सकाळी ७ वाजेपासून गावागावातून आबालवृद्ध नागरिकांनी नेत्र तपासणीसाठी गर्दी केली. सगळ्यांची अगोदर नोंदणी करून तपासणी करण्यात आली. आज या शिबीर मध्ये १५१० रुग्णाची नोंदणी करून त्या पैकी २१० रुग्णांना पनवेल येथील सुप्रसिद्ध शंकरा नेत्र रुग्णालयात पाठविण्यात आले आहे. उर्वरित २४० रुग्ण सोमवार दि. ११ ऑगस्ट रोजी पाठविण्यात येणार आहे. रुग्णांकडून कुठलाच मोबदला न घेता सर्व सेवा मोफत करण्याचे नियोजन केले आहे.
या शिबिरासाठी शंकरा हॉस्पिटलची पूर्ण टीम तसेच तालुका वैद्यकीय अधिकारी संजय चव्हाण, डॉ. चंदन चौधरी, डॉ. प्रशांत कोळी, डॉ. भुपेंद्र वाघ, डॉ. संदीप पाटील, डॉ. प्रीती पाटील, डॉ. सायमा खान, डॉ. निलोफर शेख, अतुल नन्नवरे, डॉ. राहुल चौधरी यांच्यासह पाळधी आरोग्य केंद्राचे सर्व कर्मचारी, जिपीएस मित्र परिवार, शिवसेना, युवासेना यांनी अपार मेहनत घेत शिबीर यशस्वी केले.
