पाचोऱ्याच्या गो. से. हायस्कुल येथे उपक्रम
पाचोरा (प्रतिनिधी) : गो.से हायस्कूल, पाचोरा येथे मंगळवारी दि. १५ ऑक्टोबर रोजी जागतिक वाचन प्रेरणा दिवस व जागतिक हात धुवा दिवस यशस्वी पद्धतीने साजरा करण्यात आला. माजी राष्ट्रपती डॉ.ए.पी.जे.अब्दुल कलाम यांच्या जयंतीनिमित्त विद्यार्थ्यांना वाचनाचे मानवी जीवनातले महत्त्व समजावून सांगण्यात आले.
याप्रसंगी विद्यार्थ्यांना शालेय ग्रंथालयातील विविध ऐतिहासिक, सांस्कृतिक, वैज्ञानिक पुस्तकांचे वाटप करून त्यांचे वाचन करून घेण्यात आले. जागतिक स्वच्छता दिवसनिमित्त विद्यार्थ्यांना स्वच्छतेचे महत्त्व समजून सांगण्यात आले व स्वच्छ हात कसा धुवायचा याचे प्रात्यक्षिक करून दाखवण्यात आले. प्रसंगी शाळेचे मुख्याध्यापक एन.आर. ठाकरे, उपमुख्याध्यापक आर. एल. पाटील, पर्यवेक्षक ए.बी.अहिरे, ए. आर.गोहील, शिक्षक व विद्यार्थी मोठ्या संख्येने उपस्थित होते.
