जळगाव ( प्रतिनिधी ) – बनावट फेसबुक खाते तयार करून त्यावरून आ. गिरीश महाजन यांच्या व्हिडिओवर आक्षेपार्ह व बदनामीकारक कमेंट करणाऱ्या अज्ञात इसमाविरूध्द जळगाव सायबर पोलिस ठाण्यात गुन्हा दाखल झाला आहे.
अज्ञात इसमाने आपली ओळख लपवून बनावट फेसबुक खाते तयार केले. त्यावरुन त्याने ११ नोव्हेंबररोजी माजी मंत्री व आमदार गिरीष महाजन सपोर्टर या नावाचे फेसबुक खात्यावरील आमदार गिरीश महाजन यांच्या व्हिडिओवर आक्षेपार्ह व बदनामीकारक कमेंट केली. अशा आशयाच्या तुषार पुरुषोत्तम चौधरी (वय २८ , रा. प्रेमनगर जामनेर ) यांच्या तक्रारीवरुन अज्ञात इसमाविरोधात जळगाव सायबर पोलिस ठाण्यात गुन्हा दाखल करण्यात आला आहे.
