रावेर ;- तालुक्यातील विवरे बुद्रुक येथील ३१ वर्षीय अविवाहित युवकाने आत्महत्या केल्याची घटना शुक्रवारी सकाळी उघडकीस आली.यामुळे परिसरात खळबळ उडाली आहे . याबाबत निंभोरा पोलिसात अकस्मात मृत्यूची नोंद करण्यात आली आहे.
येथील भरत श्रावण महाजन (वय ३१ वर्ष) याने गुरुवारी रात्री विवरे बुद्रुक येथील दिलीप बेंडाळे यांच्या गट न १०५३ मध्ये जांभळाच्या झाडाला दोरीच्या साहाय्याने गळफास घेऊन आत्महत्या केल्याची घटना शुक्रवारी सकाळी उघडकीस आली.
याबाबत निंभोरा पोलिसात दिलीप बेंडाळे यांच्या खबरीवरून अकस्मात मृत्यूची नोंद करण्यात आली आहे. रावेर ग्रामीण रुग्णालयात डॉ.एन.डी.महाजन यांनी शवविच्छेदन केले. पुढील तपास पो.हे.कॉ.विकास कोल्हे करत आहे.
