धरणगाव येथे ३ जण पॉझिटिव्ह तर २६ निगेटिव्ह

धरणगाव ;- तालुक्यातील धरणगाव येथील कोविड केअर सेंटरवरून २९ जणांचे स्वॅब सँपल पाठविण्यात आले होते.यातील ३ जण कोरोना पॉझिटिव्ह तर २६ जण निगेटिव्ह अहवाल आले आहेत
यात तिघांपैकी दोन रूग्ण जांभोरा तर एक पेशंट हा वराड या गावाचा असल्याची माहिती समोर आली आहे. निवासी नायब तहसीलदार प्रथमेश मोहोड यांनी या वृत्ताला दुजोरा दिला आहे. दरम्यान, संबंधीत रूग्णांचा रहिवास असणार्‍या परिसराला सील करण्याची प्रक्रिया सुरू करण्यात आली असून या भागात फवारणी करण्यात येणार आहे. कोरोनाच्या वाढत्या संसर्गाला आळा घालण्यासाठी प्रशासनातर्फे प्रयत्नांची पराकाष्ठा करण्यात येत असली तरी संसर्ग कायम असल्याचे दिसून आले आहे.