मुंबई (वृत्तसंस्था ) जळगावचे माजी महापौर विष्णू भंगाळे व डॉ. हर्षल माने यांची शिवसेना जिल्हा प्रमुख म्हणून नियुक्ती करण्यात आली असून गुलाबराव वाघ यांची बढती करण्यात येऊन त्यांच्यावर सहसंपर्क प्रमुख पदाची जबाबदारी देण्यात आली आहे.
रावेर आणि जळगाव लोकसभा मतदार संघात हे दोन्ही जिल्हाप्रमुखांवर जबाबदारी राहणार आहे. माजी महापौर विष्णू भंगाळे हे लेवा समाजाचे प्रतिनिधित्व करीत असल्याने या समाजाचा चेहरा म्हणून त्यांची वर्णी लागल्याचे बोलले जात आहे. त्यांच्याकडे जळगाव शहर, जळगाव ग्रामीण आणि अमळनेर मतदारसंघ तर डॉ. हर्षल माने यांच्याकडे पाचोरा-भडगाव, चाळीसगाव, एरंडोल-पारोळा मतदारसंघांची जबाबदारी टाकण्यात आली आहे.