रावेर तालुक्यात प्रतिसाद
चंदकांत कोळी
रावेर (प्रतिनिधी) – रावेर तालुक्यातील खिर्डी येथील युवाशक्ती प्रतिष्ठान व ग्रामस्थ खिर्डी बुद्रूक यांच्यातर्फे १ ऑक्टोबर रोजी एक तास गावासाठी श्रमदान अंतर्गत स्वच्छता अभियान राबविण्यात आले. गावातील तरुणांनी उत्स्फूर्त प्रतिसाद देत गावातील स्मशानभूमी परिसर स्वच्छ केला.
एक तास परिसरातील काटेरी झुडपे, गवते, काढून साफ सफाई करण्यात आली. यावेळी युवाशक्ती प्रतिष्ठानाचे खिर्डी बु पोलिस पाटील, रितेश चौधरी, संकेत पाटील, कृष्णा चौधरी, प्रदीप पंजाबी महाराज, प्रसाद चौधरी, भागवत ठाकने, जगदीश फालक, भीमराव कोचुरे, यज्ञेश भंगाळे, जयेश निमगडे, तेजस महाजन, खगेश महाजन, कुणाल वाघमारे, ग्रामविकास अधिकारी एस.आर.पाटील, लिपिक डिगंबर कोळी, ग्रा.प.कर्मचारी राहुल कोळी, अतुल कोळी, भूषण कोळी, शामा आदिवाल आदींनी सहभाग घेतला.
