पारोळा तालुक्यातील घटना
पारोळा (प्रतिनिधी) :- दुचाकींची समोरासमोर धडक होऊन झालेल्या विचित्र अपघातात दोन जण गंभीर झाल्याची ही घटना दिनांक ७ ऑक्टोंबर रोजी सकाळी ८.३० वाजेच्या सुमारास घडली होती. या प्रकरणी पारोळा पोलीस स्टेशनला गुन्हा नोंदवण्यात आला आहे.
स्वप्नील रमण पाटील यांनी पोलिसांत फिर्याद दिली आहे. स्वप्नील पाटील यांचे वडील रमण सीताराम पाटील (वय ६४) हे आपली दुचाकी (एमएच १९, सीए- ०९५७) ने शेळावे खुर्द येथून पारोळ्याकडे येत होते. या वेळी धरणगाव रोडवरील धाबे फाट्याजवळ समोरुन येणारी दुचाकी (एमएच १९, इएच ७२४२) वरील दुचाकी चालक दीपक ईश्वर बिऱ्हाडे (वय २४, रा. शेळावे खुर्द) याने रमण पाटील यांना जबर धडक दिली. या अपघातात रमण पाटील व शेळावे खुर्द येथील रवींद्र चुडामण बिऱ्हाडे हे गंभीर जखमी झाले असून दुचाकींचे ही मोठे नुकसान झाले आहे. या प्रकरणी दीपक बिऱ्हाडे या दुचाकी चालकावर आज गुन्हा नोंद आहे. तपास हवालदार हिरालाल पाटील करत आहेत.
