रावेर शहरातील घटना
रावेर (प्रतिनिधी) :- शहरातील सावदा रोडवरील वाहनांच्या शोरूमची मागील स्लायडिंग खिडकी सरकवून अज्ञात चोरट्यांनी आत प्रवेश करून व्यवस्थापकाच्या लॉकरमधून २५ हजार रुपयांची रोख रक्कम लंपास केल्याची घटना घडली. ही घटना रविवारी पहाटे २:४७ मिनिटांनी घडली. याप्रकरणी रावेर पोलिसात गुन्हा दाखल करण्यात आला आहे.
शोरूमचे सुरक्षारक्षक समोरच्या बाजूने झोपलेले असताना अज्ञात चोरट्यांनी मागील बाजूची काचेची अॅल्युमिनियमच्या चौकटीत सरकणारी खिडकी सरकवून आत प्रवेश करीत चोरी केली. शोरूमचे संचालक अमोल महाजन यांनी दिलेल्या फिर्यादीवरून रावेर पोलिसात अज्ञात चोरट्यांविरुद्ध घरफोडीचा गुन्हा दाखल करण्यात आला आहे. रावेर पोलिस स्टेशनचे पोलिस निरीक्षक डॉ. विशाल जयस्वाल यांच्या मार्गदर्शनाखाली पुढील तपास सुरू आहे. दरम्यान शहरात रात्रीची गस्त पोलिसांनी वाढवावी, अशी मागणी होत आहे.
