भडगाव पोलीस स्टेशनची धडक कारवाई
भडगाव (प्रतिनिधी) : शहरातील रामकृष्ण नगर मधील नाना धनगर यांची मोटरसायकल चोरीच्या व लबाडीच्या इराद्याने घेऊन गेला म्हणून भडगाव पोलीस स्टेशनला गुन्हा दाखल करण्यात आला होता.भडगाव पोलिसांनी या गुन्ह्याचा तपास लावत बोरमडी ता.शिरपूर येथील एकास ताब्यात घेऊन अटक केली आहे. त्याने अजून ३ दुचाकी चोरी केल्याचे निष्पन्न झाले आहे.
कराब रोड, रामकृष्ण नगर, भडगाव येथील फिर्यादी नाना नामदेव धनगर (वय ६३) यांचे घरासमोरुन एक होंडा शाईन कंपनीची तिचा क्र.एम. एच १९.डी.डी.३७२९ ही मोटरसायकल दि.२६ सप्टेंबर रोजी सकाळी ५ वाजेसुमारास चोरी गेल्याची तक्रार भडगाव पोलीस स्टेशनला दाखल होती. भडगाव पोलिसांनी तपासात मोटरसायकल चोर इंद्रसिंग भिमा पावरा (रा. बोरमडी ता. शिरपुर जि. धुळे) याला ताब्यात घेतले. संशयित आरोपीस गुन्ह्यातील चोरी केलेली मोटारसायकलसह पकडला. त्यानंतर तपासात ३ मोटार सायकली या गुन्हयाचे अनुषगाने जप्त करण्यात आलेल्या आहे.
सदर चारही मोटरसायकल जप्त करण्यात आले आहे. एकुण १ लाख ७० हजारांचा मुद्देमाल हस्तगत करण्यात आला आहे. यातील ३ मोटार सायकलचे मालक निष्पन्न झाले असुन चौथ्या मोटार सायकलचा मालक निष्पन्न करणे बाकी आहे. सदरची कामगिरी पोलीस अधिक्षक महेश्वर रेड्डी, अपर पोलीस अधिक्षक कविता नेरकर, उपविभागीय पोलीस अधिकारी विजयकुमार ठाकुरवाड यांचे मार्गदर्शनाखाली पोलीस निरीक्षक महेश शर्मा, स.फौ. भरत लिंगायत, पो.हे.काँ.निलेश ब्राम्हणकार, पो.हे.कॉ.विजय जाधव, पो.कॉ.सुनिल राजपुत, पो.कॉ.संदीप सोनवणे, चालक पो.कॉ.संजय पाटील अशांनी केली असून गुन्ह्याचा पुढील तपास पो.हे.कॉ.विजय जाधव हे करीत आहेत.
