जळगाव ( प्रतिनिधी ) – जिल्हा शासकीय रुग्णालासमोरून तरूणाची २५ हजार रूपये किंमतीची दुचाकी अज्ञात चोरट्याने चोरून नेल्याची घटना घडली आहे. याप्रकरणी बुधवार ७ सप्टेंबर रोजी जिल्हापेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
याबाबत सविस्तर वृत्त असे की, दानीश अहमद जावद शेख (वय-३१) रा. खडका रोड भुसावळ हा तरूण आपल्या कुटुंबियांसह राहायला आहे. दानीश अहमद हा कामाच्या निमित्ताने बुधवार ७ सप्टेंबर रोजी सकाळी १०.३० वाजता दुचाकी (एमएच १९ सीएम ५०२७) ने जळगाव शहरातील जिल्हा शासकीय रुग्णालामध्ये आला होता. त्याने रूग्णालयाच्या गेट नंबर १ जवळ दुचाकी पार्क करून लावली होती. दरम्यान काम आटोपून आल्यानंतर त्यांला त्याची दुचाकी जागेवर दिसून आली नाही. त्याने दुचाकीचा सर्वत्र शोध घेतला परंतू दुचाकी मिळाली नाही. सायंकाळी ७ वाजता जिल्हापेठ पोलीस ठाण्यात तक्रार दिली आहे. त्यांच्या तक्रारीवरून जिल्हापेठ पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे. पुढील तपास पोलीस नाईक शरीफ रहिम शेख करीत आहे.
