धरणगाव(प्रतिनिधी) – धरणगाव शहरातील आठवडे बाजार परिसरातून एकाची २० हजार रुपये किंमतीची दुचाकी अज्ञात चोरट्यांनी चोरून नेली आहे. याबाबत सोमवारी १९ डिसेंबर रोजी दुपारी ४ वाजता धरणगाव पोलीस स्टेशनला अज्ञात व्यक्तिरोधात गुन्हा दाखल करण्यात आला आहे.
याबाबत सविस्तर वृत्त असे की, दिलीप सरदार पाथरवड (वय – 53, रा.वाघळूद खुर्द, ता. धरणगाव) हे आपल्या परिवारासह राहायला आहे. मिस्तरी काम करून ते आपला उदरनिर्वाह करतात. गुरुवार २२ डिसेंबर रोजी धरणगाव शहराचा आठवडे बाजार असल्या कारणामुळे ते बाजार घेण्यासाठी दुपारी २ वाजता त्यांची दुचाकी (एमएच १९ डीडी ६५२३) ने धरणगाव शहरात आले होते. त्यावेळी त्यांनी दुचाकी आठवडे बाजाराच्या परिसरात पार्किंगला लावली. दुपारी ३ वाजता बाजार करून परत आल्यानंतर त्यांना जागेवर दुचाकी मिळून न आल्याने त्यांनी परिसरात सर्वत्र शोध घेतला परंतु दुचाकी कुठेही मिळून आली नाही. अखेर सोमवार १९ डिसेंबर रोजी दुपारी ४ वाजता धरणगाव पोलीस स्टेशनला दिलेल्या तक्रारीवरून अज्ञात चोरट्यांवर गुन्हा दाखल करण्यात आला आहे. पुढील तपास पोलीस नाईक प्रमोद पाटील करीत आहे.
