जळगाव ;-येथील डॉ. उल्हास पाटील मेडीकल महाविद्यालय आणि रुग्णालयात रूग्णाचा मृत्यू झाल्याचे वाईट वाटून मयताच्या नातेवाईकांनी दोन कर्मचाऱयांना मारहाण करण्याचा प्रकार शुक्रवारी रात्री १०.३० वाजता घडला होता याबाबत तिघांवर गुन्हा दाखल करण्यात आला आहे.
पोलीसांनी दिलेल्या माहितीनुसार, ३० एप्रिल रोजी रात्री १०.३० वाजेच्या सुमारास बोदवड तालुक्यातील कोरोनाबाधित रूग्णाला नातेवाईकांनी डॉ. उल्हास पाटील मेडीकल कॉलेज आणि रुग्णालयातदाखल करण्यासाठी आणले होते. यात रूग्णाचाउपचारादरम्यान मृत्यू झाला. हॉस्पीटलच्या दिरंगाईमुळे रूग्णाचा मृत्यू झाल्याचे समजून मयत रूग्णाच्या सोबत आलेले अजय दिलीप निकम (वय-२५), गणेश मधुकर वाघ (वय-२४) आणि विनोद वेडू इंगळे (वय-२७) रा. सुनोटी ता. बोदवड या तीन तरूणांनी हॉस्पिटलच्या कार्यालयात येवून क्लर्क निखील अरूण चौधरी (वय-३०) यांच्यासह एकाला बेदम मारहाण केली. तर कार्यालयातील खुर्च्या फेकून सामानांची तोडफोड केली . याप्रकरणी डॉ. उल्हास पाटील मेडीकल महाविद्यालयाचे क्लर्क निखील चौधरी यांच्या फिर्यादीवरून तिघांवर नशिराबाद पोलीस ठाण्यात गुन्हा दाखल असून पुढील तपास सपोनि गणेश चव्हाण करीत आहे.
