धरणगाव तालुक्यात दोनगाव येथील घटना
जळगाव (प्रतिनिधी) : धरणगाव तालुक्यातील दोनगाव येथील एका प्रौढाने नैराश्याखाली आल्याने स्वतःच्या घरात गळफास लावून घेत आत्महत्या केली. हि घटना दि. १२ सप्टेंबर रोजी दुपारी १२ वाजेच्या सुमारास उघडकीस आली. घटनेप्रकरणी शनिपेठ पोलीस स्टेशनला प्राथमिक अकस्मात मृत्यूची नोंद करण्यात आली आहे.
दगा रामदास पाटील (वय ६०, रा. दोनगाव ता. धरणगाव) असे मयत इसमाचे नाव आहे. त्यांच्या पश्चात पत्नी, १ मुलगा, ३ मुली असा परिवार आहे. हातमजुरी करून ते परिवाराचा उदरनिर्वाह करीत होते. दरम्यान, शुक्रवारी दि. १२ संप्टेंबर रोजी सकाळी घरी कोणी नसताना दगा पाटील यांनी राहत्या घरी गळफास लावून घेत आत्महत्या केल्याची घटना दुपारी १२ वाजेच्या सुमारास उघडकीस आली.(केसीएन)कुटुंबियांना माहिती होताच ग्रामस्थांच्या मदतीने त्यांना जळगाव येथील शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकाऱ्यांनी तपासून मयत घोषित केले. यावेळी रुग्णालयात कुटुंबीयांनी एकच आक्रोश केला. दगा पाटील यांच्या मृत्यूचे कारण अस्पष्ट आहे. घटनेमुळे दोनगाव येथे शोककळा पसरली आहे. घटनेप्रकरणी जळगाव शनिपेठ पोलीस स्टेशनला प्राथमिक अकस्मात मृत्यूची नोंद करण्यात आली आहे.
