पाचोरा तालुक्यात वेरुळी खुर्द रस्त्यावरील घटना
पाचोरा (प्रतिनिधी) :- तालुक्यातील वेरुळी खुर्द ते बहुळा धरणाजवळ दोन दुचाकींची समोरासमोर धडक झाली. या अपघातात एकाचा जागीच मृत्यू झाला तर एक जण जखमी झाला आहे. पाचोरा पोलीस स्टेशनमध्ये अपघाताची नोंद करण्यात आली आहे.
अपघातात भगवान सुभाष पाटील (वय ३८ वर्ष,रा. वेरुळी खुर्द ता. पाचोरा) यांचा जागीच मृत्यू झाला. मयत भगवान पाटील यांचे पश्चात आई, पत्नी, एक मुलगा, एक मुलगी, एक भाऊ असा परिवार आहे. भगवान पाटील हे शेतातुन काम करुन घरी जात असताना वेरुळी कडुन वडगाव टेक कडे जाणाऱ्या विकास मांगो यशवद (वय ३० वर्ष, रा. वडगाव टेक ता. पाचोरा) यांच्या मोटरसायकलने भगवान पाटील यांच्या मोटरसायकलला जोरदार धडक दिली.(केसीएन)या अपघातात भगवान पाटील यांच्या छातीला जबर मार लागल्याने त्यांचा जागीच मृत्यू झाला तर विकास यशवद हे जखमी झाले आहेत. भगवान पाटील यांना पाचोरा ग्रामीण रुग्णालयात दाखल करण्यात आले. वैद्यकीय पथकाने त्यांना तपासून मृत घोषित केले. घटनेप्रकरणी पाचोरा पोलिस स्टेशनमध्ये अपघाताची नोंद करण्यात आली आहे.
