भुसावळ तालुक्यात वरणगाव येथील घटना
भुसावळ (प्रतिनिधी) : तालुक्यातील वरणगाव येथे श्री क्षेत्र नागेश्वर महादेव मंदिराजवळ वरणगाव ते बोदवड रस्त्यावर रविवारी दि. ९ मार्च रोजी दुपारी १२ वाजेच्या सुमारास दोन दुचाकीची समोरासमोर जबर धडक होऊन यात एका वृद्धाचा मृत्यू झाला आहे. तर दोन जखमीना उपचारार्थ शासकीय वैद्यकीय महाविद्यालय व रुग्णालयात उपचारार्थ दाखल करण्यात आले आहे. वरणगाव पोलीस स्टेशनला गुन्हा दाखल करण्याचे काम सुरु होते.
आचेगांव येथील शरद भास्कर पाटील (वय ७०) हे आपल्या दुचाकी (एम.एच. १९ ए .एस ६९९१) ने वरणगावकडून आचेगावकडे जात होते. बोदवड मार्गावरील श्री नागेश्वर मंदिराजवळ समोरून येणाऱ्या दुचाकी (एम.एच. २८ बी.एस. ९१४१) वरील चालक शेख गनी शेख मन्यार (वय ६६) त्यांचे सोबत असलेल्या अशोक रामदास खराटे (वय ५५, दोघे रा. बोदवड) यांनी जबर धडक दिल्याने या अपघातात आचेगाव येथील गंभीर जखमी झाले. तिघांना वरणगांव ग्रामीण रुग्णालयात आणले असता शरद भास्कर पाटील यांना डॉक्टरांनी मृत घोषित केले. तर गंभीर जखमी झालेल्या शेख गनी शेख मन्यार व अशोक रामदास खराटे या दोघांना उपचारार्थ जळगाव येथील रुग्णालयात उपचारार्थ दाखल करण्यात आले. यावेळी ग्रामीण रुग्णालयात वैद्यकीय अधिकारी हजर नसल्याने शरद पाटील यांच्यावर वेळीच उपचार न झाल्याने त्यांचा मृत्यु झाल्याचा आरोप करीत मृताच्या नातेवाईकांनी काही वेळ रुग्णालयात गोंधळ घातला. तर या अपघाताच्या घटनेप्रकरणी वरणगाव पोलिसात नोंद करण्याचे काम सुरु होते. घटनेचा सपोनि जनार्दन खंडेराव यांचे मार्गदर्शनाखाली सहाय्यक फौजदार श्रावण जवरे तपास करीत आहे.
