मुक्ताईनगर तालुक्यातील अंतुर्ली येथील घटना
मुक्ताईनगर (प्रतिनिधी) :- तालुक्यातील अंतुर्ली येथील ३० वर्षीय रसायन अभियंता असलेल्या युवकाने राहत्या घरी गळफास घेऊन आत्महत्या केली आहे. याप्रकरणी मुक्ताईनगर पोलीस स्थानकात अकस्मात मृत्यूची नोंद करण्यात आली आहे.
विजय डिगंबर महाजन (वय ३०, रा.अंतुर्ली ता. मुक्ताईनगर) असे मयत तरुणाचे नाव आहे. शुभम प्रभाकर महाजन त्याची पत्नी, आई-वडील, भाऊ आणि आजोबा या कुटुंबीयांसमावेत राहत होता. शुभम हा न्यूज अँड सॉफ्टवेअर कंपनीत केमिकल इंजिनिअर म्हणून कामाला होता. दिवाळी सणानिमित्त तो घरी आलेला होता. दि. ७ नोव्हेंबर रोजी शुभम हा वरच्या रूममध्ये काम करत होता व दरवाजा उघडत नव्हता. त्यावेळी कुटुंबीयांनी आवाज दिला. मात्र शुभमचा प्रतिसाद येत नसल्याने त्यांनी दरवाजा तोडला असता शुभमने स्लॅबला असलेल्या कडीला दोरीच्या साह्याने गळफास घेतल्याचे दिसून आले.
यावेळी कुटुंबीयांनी एकच हंबरडा फोडला. नागरिकांच्या मदतीने शुभम यास मुक्ताईनगर उपजिल्हा रुग्णालय येथे दाखल करण्यात आले असता त्याला वैद्यकीय अधिकाऱ्यांनी मयत घोषित केलं. होतकरू, मनमिळावू तरुणाने अचानक गळफास घेऊन आत्महत्या केल्याने अंतुर्ली गावात शोककळा पसरली आहे. याप्रकरणी मुक्ताईनगर पोलीस स्थानकात अकस्मात मृत्यूची नोंद करण्यात आली आहे.
