पाचोरा ( प्रतिनिधी )- सोना हरी थोरात बहुउद्देशिय संस्था संचलित शाकुंतल संगीत विद्यालय आयोजित दीपावली सांज पाडवा भाव व भक्तीगीतांची स्वरधारा उत्साहात पार पडली .
या कार्यक्रमात पो उ नि वाल्मिक महाजन (मुंबई) ,कामगार कल्याण केंद्र संचालक बबन वाघ , पाचोरा येथील शाहीर विठ्ठल महाजन, एकनाथ महाजन यांच्या हस्ते कार्यक्रमाचे दीपप्रज्वलन करण्यात आले या कार्यक्रमात देविदास थोरात , कु वैष्णवी थोरात, डिगंबर पाटील ,रितेश धनराळे, पंकज धनराळे इ. गायकांनी सहभाग नोंदवला साथसंगत सागर थोरात (तबला) , बाल कलावंत संमेक थोरात (तबला) , विशाल थोरात ( पॅड वादक) , अजय सोनवणे (बासरी) , सतीश भिसे (कीबोर्ड) यांनी केली . प्रवीण ब्राम्हने (पी बी सी मातृभूमीचे संपादक) व गौरी सोनवणे (साक्ष न्युज) यांची विशेष उपस्थिती होती.
प्रथम ‘गजानना श्री गंणराया ‘ या आळवणीने सुरु झालेली ही मैफल ‘ कानडा राजा पंढरीचा’, ‘ अबीर गुलाल’ , ‘निघालो घेऊन दत्ताची पालखी’ ,’ कशासाठी येऊ देवा’ , ‘रेश्माच्या रेघांनी आदी सादरीकरणाने उत्तरोत्तर रंगत गेली सर्वच गाण्यांनी खूप प्रतिसाद मिळवला सूत्रसंचालन व आभार प्रदर्शन रोशनलाल शर्मा यांनी केले सौ माधुरी थोरात , पूर्वा थोरात , सार्थक थोरात यांचे आयोजनासाठी सहकार्य लाभले.
