अमळनेर बसस्थानकातील घटना
अमळनेर (प्रतिनिधी) : येथील बस स्थानकात चोरट्यांनी बसमधून उतरतांना एका महिलेच्या पर्स मधील दीड लाखाचे दागिने लंपास केल्याची घटना दि. १७ रोजी दुपारी २ वाजता घडली. याप्रकरणी पोलीस स्टेशनला गुन्हा दाखल करण्यात आला आहे.
पायल विनोद रावलानी (रा. शांतीनगर, चाळीसगाव) या मुलीसोबत चुलत बहिणीच्या मुलीच्या लग्नाला दि. १७ रोजी अमळनेर आल्या. दुपारी २ वाजता त्या अमळनेर बसस्थानकावर उतरत असताना त्यांच्या पर्सची चेन उघडून चोरट्याने पर्स मधील १ लाख २० हजार रुपये किमतीची ४० ग्राम सोन्याची माळ तर ३० हजार रुपये किमतीची १० ग्राम सोन्याची अंगठी , आणि २ हजार रोख व लॉकर ची चाबी असा एकूण १ लाख ५२ हजार रुपयांचा माल अज्ञात चोरट्याने चोरून नेला. याबाबत पायाल रावलाणी यांच्या फिर्यादीवरून अमळनेर पोलीस स्टेशनला अज्ञात चोरट्याविरुद्ध गुन्हा दाखल करण्यात आला असून तपास हेडकॉन्स्टेबल प्रमोद पाटील करीत आहेत.
