पाचोरा तालुक्यात तारखेडजवळ घडली घटना
जळगाव (प्रतिनिधी) : धावत्या रेल्वेतून पडून धुळे जिल्ह्यातील तरुणाचा मृत्यू झाल्याची घटना शनिवारी दि. २६ एप्रिल रोजी सकाळी ११ वाजेच्या सुमारास पाचोरा तालुक्यातील तारखेडा गावाजवळ घडली आहे. याप्रकरणी पाचोरा पोलीस स्टेशनला अकस्मात मृत्यूची नोंद करण्यात आली आहे.
विशाल किरण बोरसे (वय २५, रा.बोरिस ता.जिल्हा धुळे) असे मयत तरुणाचे नाव आहे. तो आई, वडील, भाऊ यांच्यासह राहत होता. पाचोरा तालुक्यातील तारखेडा गावाजवळ कोणत्यातरी धावत्या रेल्वेतून पडून २५ वर्षीय तरुणाचा मृत्यू झाल्याची घटना दि. २६ एप्रिल रोजी सकाळी ११ वाजेच्या सुमारास निदर्शनास आली होती.(केसीएन)पाचोरा ते गाळण रेल्वे स्टेशनदरम्यान तारखेडा गावानजीक ऑफलाइनवरील खंबा किलोमीटर क्रमांक ३६५/२०१८ दरम्यान अज्ञात तरूणाचा मृतदेह असल्याबाबतची माहिती पाचोरा पोलिसांना मिळताच पाचोरा पोलिसांनी घटनेस्थळी धाव घेतली.
पंचनामा करत मृतदेह पाचोरा ग्रामीण रुग्णालय येथे दाखल करण्यात आला होता. याबाबत पाचोरा पोलीस स्टेशन येथे अकस्मात मृत्यूची नोंद करण्यात आली होती तर मृतदेहाची ओळख पटवण्याचे काम पाचोरा पोलीस करीत असतानाच त्यांना तरुणाबाबत माहिती मिळाली.(केसीएन)धुळे तालुक्यातील बोरीस येथील रहिवासी तर सुरत येथे शिक्षण घेणारा २५ वर्षीय विशाल किरण बोरसे असे या विद्यार्थ्यांचे नाव निष्पन्न झाले. सैनिक भरतीचा पेपर देण्यासाठी रेल्वेने सुरतवरून जळगाव मार्गे मुंबईकडे व नंतर मित्रासोबत सिकंदराबादला रवाना होणार होता. रस्त्यात हि दुर्घटना घडली. विशाल हा उत्तम कबड्डी खेळाडू असल्याने सैनिकात नोकरीचे स्वप्न घेऊन तो जगत होता. त्याचं स्वप्न अपूर्ण राहीले व त्याचा दुर्दैवी मृत्यू झाला.
