धरणगाव (प्रतिनिधी) – राष्ट्रीय सेवा योजना विभाग कला, वाणिज्य आणि विज्ञान महाविद्यालय, धरणगावतर्फे दि. २७ रोजी माहिती अधिकार दिन साजरा करण्यात आला. याप्रसंगी कॉमर्स विभागाचे प्रमुख डॉ. गौरव महाजन यांनी माहितीचा अधिकार अर्थात राईट टू इन्फॉर्मेशन एक्ट याची स्थापना आणि या अंतर्गत येणारे विविध विभाग याचे उपस्थित विद्यार्थ्यांना मार्गदर्शन केले.
माहितीचा अधिकार म्हणजे सरकारकडून माहिती मागवण्याचे लोकांचे स्वातंत्र्य होय. भारतात ‘माहिती कायदा’ ११ मे २००५ मध्ये केंद्र सरकारने मंजूर केला. १२ ऑक्टोबर २००५ पासून हा कायदा अंमलात आला. भारतीय राज्यघटनेतील अनुच्छेद १९प्रमाणे प्रत्येक व्यक्तीला भाषण आणि विचार स्वातंत्र्याचा हक्क आहे. या हक्काचाच भाग म्हणजे माहितीचा अधिकार होय. माहितीचा अधिकार हा व्यक्तीचा नैसर्गिक, मानवी आणि मूलभूत अधिकार आहे, असे डॉ. गौरव महाजन यांनी सांगितले. या कार्यक्रमासाठी विज्ञान व वाणिज्य विभागाचे राष्ट्रीय सेवा योजनेचे स्वयंसेवक उपस्थित होते.
