पाचोरा (प्रतिनिधी) – तालुक्यातील शहापुरे येथील गरोदर माता अत्यवस्थ अवस्थेत शहरातील एका हॉस्पिटलमध्ये दाखल झाली होती बाळाला जन्म देतांना तिची प्रकृती गंभीर झाल्याचे पाहून देवरुपी डॉक्टरांनी स्वतः रक्तदान करुन बाळासह या मातेचा जीव वाचविला.
तालुक्यातील शहापुरे येथील सौ. स्विटी अविनाश खरे ही गरोदर माता अत्यवस्थ अवस्थेत शहरातील हॉस्पिटलचे दार ठोठावत असतांना रुग्णाची गंभीर अवस्था बघुन जळगावी जाण्याचा सल्ला मिळाला. रुग्णाची अवस्था बिकट होती रक्ताचे प्रमाण ४ टक्के तर प्लेटलेट १७ हजार अशा क्रिटिकल अवस्थेत रुग्णाचे सासरे अर्जुन खरे यांना कुठे जावे हे कळत नव्हते रात्रीचे बार वाजले होते यावेळी खरे यांचे शहरातील नातेवाईक अरुण ब्राह्मणे मदतीला धावून आले त्यांनी ही बाब नंदु सोमवंशीसह कॉंग्रेस तालुकाध्यक्ष सचिन सोमवंशी यांना सांगितल्यावर सोमवंशी यांनी लिलावती हॉस्पिटलचे डॉ. वैभव सुर्यवंशी यांना विंनती करुन रुग्णाचे जीवाचे कमीजास्त झाल्यास आम्हीच जबाबदार राहु आपण तात्काळ उपचार सुरू करा , असे सांगितले
डॉ. सुर्यवंशी यांना या रुग्णावर उपचार म्हणजे एक प्रकारे आव्हान होते. रक्ताचे प्रमाण कमी आणि त्यात कमी होणार्या प्लेटलेट त्यामुळे तात्काळ जळगाव येथुन दोन प्लेटलेट्सच्या पिशव्या आणि रक्तगट Ab पॉझिटिव्ह हा दुर्मिळ रक्तगट असल्याने रक्त मिळणे कठीण झाले होते. अशा अवस्थेत स्विटी खरे ची प्रसुतिची वेळ आली शस्त्रक्रिया करताना योगायोगाने डॉ. सुर्यवंशी यांचा रक्तगट व पेशन्टचा रक्तगट एकच असल्याने स्वतः डॉ. सुर्यवंशी यांनी रक्तदान केले आणि स्विटी खरेसह तिच्या बाळाचा जीव वाचविण्यास यश मिळविले
यावेळी हॉस्पिटलचे डॉ. मनोहर शिंपी, सुनिता पाटील, सोनी पाटील, निलेश ब्राह्मणे यांनी मदत केली. खरे परीवाराला डॉक्टर खरोखर देवरुपी असतात याचा प्रत्यय आला
