दहिगाव येथे जंतनाशक मोहीमेस प्रारंभ

दहिगाव ता. यावल :- दहिगाव येथे सरपंच अजय अडकमोल यांचे हस्ते लाभार्थ्यास जंतनाशक गोळी देऊन जंतनाशक मोहिमेस प्रारंभ करण्यात आला.
राज्यातील कृमी दोषाचे रुग्ण शून्यावर आणण्यासाठी व्यापक नियोजन करून आरोग्य विभागामार्फत जिल्ह्यात व तालुक्यात दिनांक 1 ते 8 मार्च दरम्यान 1 वर्ष ते 19 वर्ष वयोगटात राष्ट्रीय जंतनाशक मोहीम राबवली जात आहे.
जिल्हाधिकारी यांनी दिलेल्या सूचनेनुसार अंगणवाडी , प्रा. शाळा , विद्यालय व महाविद्यालय बंद असल्याने आशा सेविका यांची रॅपिड एंटीजन कीट द्वारे कोविड-19 चाचणी करण्यात आलेली असून अहवाल निगेटिव्ह आलेल्या आशा सेविका सॅनिटायझर चा वापर करून व सामाजिक अंतर ठेवून घरोघरी जाऊन प्रत्यक्ष व समक्ष स्वतः 1 वर्ष ते 19 वर्षे वयोगटातील बालके , विद्यार्थी व किशोरवयीन मुला-मुलींना जंतनाशक गोळी खाऊ घालत आहेत.
ता. आरोग्य अधिकारी डॉ. हेमंत ब-हाटे व प्रा. आ. केंद्र सावखेडासिम चे वैद्यकीय अधिकारी डॉ. गौरव भोईटे , डॉ. नसीमा तडवी व आरोग्य पर्यवेक्षिका शोभा चौधरी यांच्या मार्गदर्शनाखाली ही मोहीम राबवण्यात येत आहे.
ज्या लाभार्थ्यांना किंवा बालकांना काही कारणामुळे आज जंतनाशक गोळी मिळाली नाही त्यांना मापअप राऊंड दि. 8 मार्च रोजी जंतनाशक गोळी दिली जाईल. तरी पालकांनी जंतनाशक मोहिमेस सहकार्य करावे असे डॉ. नसीमा तडवी यांनी सांगितले.
मोहीम यशस्वितेसाठी संजय तडवी, राजेंद्र बारी , बालाजी कोरडे, भुषण पाटील, अरविंद जाधव , अनिता नेहते, चंद्रकला चौधरी व आशा सेविका नीता महाजन , भाग्यश्री महाजन , अर्चना अडकमोल , पुष्पा पाटील व संध्या बाविस्कर यांनी परिश्रम घेत आहेत.