रामानंद नगर पोलीसांची कारवाई
जळगाव (प्रतिनिधी) : चोरीची दुचाकी घेऊन जाणाऱ्या चोरट्याला रामानंदनगर पोलिसांनी शुक्रवारी दि. २२ नोव्हेंबर रोजी दुपारी २ वाजता कारवाई करत आकाशवाणी चौकातून अटक केली आहे. त्यांच्याकडून एकुण चोरीच्या तीन दुचाकी जप्त करण्यात आले आहे.
शोएब हबीब शाह (वय-२५, रा. मास्टर कॉलनी, जळगाव) असे चोरट्याचे नाव आहे. शहरातील एम.जे. कॉलेज समोर पार्किंगला लावलेली अफसर अहमद शेख मुनीर रा.अलमास कॉलनी, जळगाव यांची पार्किंगला लावलेली (एमएच १९ इएल ३८९३) क्रमांकाची दुचाकी चोरून नेल्याची घटना १८ नोव्हेंबर रोजी घडली होती. याप्रकरणी रामानंदनगर पोलीस ठाण्यात गुन्हा दाखल करण्यात आला होता. या गुन्ह्याचा तपास पोलीस नाईक हेमंत कळसकर यांच्याकडे होता.
या गुन्ह्याच्या तपास सुरू असताना चोरीला गेलेली दुचाकी ही संशयित आरोपी शोएब हबीब शहा याने चोरी केल्याची माहिती रामानंदनगर पोलीसांना मिळाली. त्यानुसार पोलिसांनी गोपनीय माहितीच्या आधारे शुक्रवारी २२ नोव्हेंबर रोजी दुपारी ३ वाजता आकाशवाणी चौकात सापळा रचून चोरीची दुचाकी घेऊन जाणाऱ्या शोएब हबीब शहा याला अटक केली. त्याच्याकडून चोरीची दुचाकी हस्तगत केली. दरम्यान या गुन्ह्याचा तपास सुरू असताना त्याने इतर चोरीच्या दोन दुचाकी काढून दिल्या. या दुचाकी त्याने जिल्हापेठ पोलीस ठाणे आणि जळगाव तालुका पोलीस ठाण्याच्या हद्दीतून चोरी केल्याची कबुली दिली आहे. याप्रकरणी त्याच्या विरोधात रामानंदनगर पोलीस ठाण्यात गुन्हा दाखल करण्यात आला आहे.
ही कारवाई रामानंदनगर पोलीस ठाण्याचे पोलीस निरीक्षक राजेंद्र गुंजाळ यांच्या मार्गदर्शनाखाली सहाय्यक फौजदार संजय सपकाळे, पोलीस कॉन्स्टेबल इरफान मलिक, सुशील चौधरी, जितेंद्र राजपूत, जितेंद्र राठोड, जितेंद्र तावडे, हेमंत कडसकर, रेवानंद साळुंखे, विनोद सूर्यवंशी, रवींद्र चौधरी, उमेश पवार, जुलालसिंग परदेशी यांनी केली आहे.
